د/ ايمن صاحب الشاليه شخصيه محترمة و متعاونه جدا و حريص على تقديم افضل خدمه و ده بصراحه واضح جدا في الشاليه، الشاليه جميل جدا ما شاء الله اولا من حيث : ١) النظافه الشاليه نضيف و منظم و كمان جميع ادوات النظافه و طرد الحشرات اللي ممكن تحتاجها موجوده في الشاليه بوفره ٢) الفرش نضيف و جودته كويسه جدا و جميع الاجهزه فعلا موجوده من مكنسه لمبرد المياه و الميكرويف و الغساله الفول اتوماتيك و التكيفات و كله شغال بكفاءة ممتازة . ٣) القرب من البحر الشاليه يعتبر في وسط القريه قريب جدا جدا من حمام السباحه اقل من دقيقه مشي و ٥ دقايق تقريبا للبحر ٤) الشاطئ ممهد للنزول و عليه كل الخدمات اللي ممكن اي اسره تحتاجها على البحر من اكل لمشروبات لالعاب للأطفال القريه عائليه بإمتياز و فيه بليل تأجير عجل و بلياردو و العاب تانيه.