بالنسبة للفيلا من الداخل، فهي قديمة ومحتاجة تكييف وتحديثات كتيرة عشان توازي سعرها العالي. واجهتنا مشكلة في تكييفات أوضتين من الـ 3 أوض، وضغط المياه في الحمام كان ضعيف شوية. كمان الثلاجة والغسالة موديلاتهم قديمة، ورغم إنهم شغالين وبيأدوا الغرض، بس محتاجين يتجددوا لراحة النزلاء. صاحب الفيلا شخصية محترمة جداً، في قمة الذوق والتعاون، ودايماً متاح وبيرد على الموبايل في أي وقت تحتاجه فيه. وتقديراً منه للأعطال اللي واجهتنا ، شال عننا حساب الكهرباء و عرض ليلة إضافية مجاناً كتعويض، ورغم إن مشكلة التكييف لم تُحل ، إلا إن ذوقه في التعامل كان واضح جداً الفيلا من بره ممتازة؛ جنينتها تفتح النفس، وحمامات السباحة جميلة ونظيفة. موقع المكان ممتاز ، على بعد 5 دقائق مشي من البحر ودقيقتين بالعربية لسوبر ماركت المكان بشكل عام هيكون مناسب جداً للعائلات الشابة الصغيرة اللي رايحة بهدف الاستمتاع بالبحر والشط، ومش ناويين يقضوا وقت طويل جوه الشاليه المكان فيه إمكانيات حلوة قوي وصاحبه راجل محترم، بس محتاج شوية صيانة وتجديد للأجهزة والأثاث عشان الإقامة فيه تكون مريحة ومتكاملة.

تجربة جميلة، القرية رائعة وهادئة. الڤيلا جميلة وواسعة والمالك في قمة الاحترام.

المؤجر محترم و الصور حقيقية والقرية هادئة

القرية منظمة و بها جميع الخدمات و مناسبة لقضاء عطلة عائلية هادئة الوحدة متميزة و تعامل المالك راقى و اكيد هنكررها تانى

ناس محترمة جدا وذوق جدا قرية جميلة وهادئة ونظيفة ولكن قطع كهرباء و مياه يوميا الفيلا كويسة وينقصها سباكة جديدة لسوء الوضع الحالى والاهتمام بنظافة الفيلا

مكان جميل هادئ و عائلي جميع الخدمات حول القرية أنصح به دائما المؤجر محترم جدا